RIZA YUDHA NJALUK BAWASLU ORA MING NUNGGU LAPORAN

 

INDES-POLITIK-RIZA YUDHA NJALUK BAWASLU ORA MING NUNGGU LAPORAN 01

Blora, Aksi turun jalan lan orasi sekaligus teatrikal saka Front Masyarakat Peduli Demokrasi (FMPD) sing nyoroti duaan pelanggaran Pilkada sing dilakoni Bupati Blora, Djoko Nugraha wayah maringi bantuan korban lesus ing Desa Kutukan Kecamatan Randublatung antuk apresiasi seka Calon Wakil Bupati pasangan 01 Riza Yudha.

Srah-srahan bantuan kasebut, sing notabene nggunaake anggaran Dinas sosial, kanodai kanthi anane pembagian tanggalan lan masker sing digambari pasangan calon nomer urut 03 Umi Kulsum - Agus Sugiyanto. Video amatir kang ngrekam kedadeyan kasebut wis viral ing media sosial, mula dadi sorotan publik lan para aktivis seka FMPD.

Tanggapane Riza Yudha

INDES-POLITIK-RIZA YUDHA NJALUK BAWASLU ORA MING NUNGGU LAPORAN 02
Calon Wakil Bupati Blora seka pasangan nomer 01 Riza Yudha, ngapresisasi, ndukung aksi kasebut lan ngaturake panuwun gegayutan karo peran aktife masyarakat kanggo mujudake Pilkada sing jujur lan adil.

"Aku ngapresiasi banget peran aktif masyarakat lan para aktivis anggone ngawal kalangsungan proses demokrasi kang jujur lan adil. Mesisan aku njaluk Bawaslu isa kerja sing optimal, sesuai parentah Undang-undang, kanggo ngawasi kanthi ketat penyelenggaraan Pilkada iki, dadi, ojo mung nunggu laporan seka masyarakat," ujare.

Nyoroti Prestasi Bawaslu

Riza Yudha uga nyoroti prestasi Bawaslu sing dirasa kurang maksimal olehe nglakokake fungsine sebagai Pengawas Pemilu.

"Tak umpamaake Bawaslu kuwi kaya Polisi, kudu aktif ing lapangan, ora nunggu laporan tok, kan ana tho laporan sing langsung seka masyarakat biasa, ana babagan kang didhasari temuan lapangan, dadi kudu gerak aktif, ben pelanggaran ora kedadeyan maneh, aku tetep nduweni haparan supaya kinerja Bawaslu ditingkatke luwih becik maneh timbang sak iki," pungkase mantan Asisten Staf Khusus Presiden Jokowi iki. (Roy-HR)

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel