GANJAR PRANOWO DAWUH YEN BLORA PANCEN UNIK

 INDES-BUDAYA-GANJAR PRANOWO DAWUH YEN BLORA PANCEN UNIK

Blora, Para pelaku seni rupa Blora nolak nyerah, tetep makarya, emoh njajagne bantuan pamarentah. Wayah pandemi Korona kaya ngene, para seniman seni rupa Blora malah geget makarya lan nggelar pameran lukisan ing Gedung DPRD Blora.

Udakara 50 lukisan coretane pelukis seka ngendi-ngendi lan nggone pelukis Blora dipamerake ning Gedung Rapat Paripurna DPRD Blora. Tema sing diusung yaiku "Jati Diriku dan Kehidupan", dipamerno limang dina lawase, mulai 20 nganti 24 November 2020. Sakliyane pameran, uga ana pagelaran seni liyane kang diayahi para seniman Blora.

Agus Supri, Ketua Komunitas Kesenian Blora, nyampekno rasa bombong atine merga rawuhe para perupa seka luar kota Blora.

"Matur nuwun rawuhe para pelukis seka Semarang Pak Tomo, senior kita, Mas Afi seka Jakarta, lan Mas Yoyok seka Magelang lan kanca-kanca perupa mBlora dewe sing banget gedhe potensine. Termasuk seni cukit, pahat lan oyot jati sing wis tekan luar negeri," ujare pas nyambut ing pembukaan pameran luksan kasebut.

Blora Pancen Unik

Sawetara, kurator seni seka Magelang, Ir Priyo Puji Raharjo karan Mas Yoyok uga ngapresiasi para seniman Blora sing pinunjul lan unik, atik wis mampu bersaing ing pasaran internasional uga nasional sisan. Ra lali, Mas Yoyok ngaturne titipan salam seka Gubernur Jawa Tengah Ganjar Pranowo.

"Pak Ganjar nate dawuh, mBlora iku unik banget, yo masyarakate, potensi alame, lan seni budayane. mBlora nduweni potensi seni sing unggul lan iso bersaing ing tingkat nasional uga internasional. Pameran lukisan iki salah sijining bentuk semangat juang kang unggul seka para senimane. Sing nolak teluk marang kahanan sak iki. Pandemi gak iso ngendek para seniman leh'e terus ngasilna karya, lan tetep semangat sajroning keterbatasan. Ojo dimbarno para seniman berjuang dewekan," ujare.

Kerjasama ro Dinporabudpar Blora

Pameran Lukisan lan Gelar Seni Seniman Blora iku diayahi dening Komunitas Kesenian Blora, kerjasama karo Dinas Pemuda Olahraga Kebudayaan lan Pariwisata Blora sarto DPRD Kabupaten Blora. Dirawuhi uga karo Kepala Dinporabudpar Blora Slamet Pamuji karan Mas Mumuk kang didampingi Kepala Bidang Kebudayaan Solichan Mochtar. Uga dirawuhi karo calon bupati nomer urut 3 Hajah Umi Kulsum.

Hajah Umi ming ngendikan yen, "Ternyata karya pelukis kita ki apik-apik yo? Babagan kaya ngene iki kudu terus dikembangne lan difasilitasi karo Pamarentah Kabupaten Blora."

Ngundang Kabeh Calon Bupati

Ketua Penyelenggara seka Sedulur Art Mas Afi ngandakne menawa pameran lukisan kasebut kanggo ngenalake pelukis-pelukis berbakat seka Blora, lan murni kegiatan seni budaya.

"Kegiatan iki murni pameran lan gelar seni, kanggo wadah para seniman mBlora. Ra idep iku seni lukis, suara utawa musik lan seniman pertunjukan kayata barongan. Lan kita ngundang kabeh calon Pilkada mBlora, dadi gak mihak ning salah sawijine," pungkase. (R-H)


Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel